Same veur e sjterk gesjreve Remunjs

PlatSjriever hulp ederein dae ’t Remunjs wil sjrieve, begriepe en gebroeke. Of doe noe mit ’t dialect groot gewaore bös of ’t baeter wils lere kinne: PlatSjriever maak ’t gemekkeliker óm dich op ’n netuurelike en gooj meneer in ’t Remunjs oet te drökke.

Veer wille de kwallieteit van ’t gesjreve Remunjs verbaetere en mithelpe aan ’t behald van oos taal.

’n Taal óm van te haje én te gebroeke

’t Remunjs is meer es e dialect. ’t Is e groot deil van oos gesjiedenis, cultuur en van waem veer zeen. ’n Taal die ginnerasies aan ein binjt en die ’t waerd is óm ouch in de toekóms ’n vaste plek te haje.

In gans Limburg doon miense en organisaties zich meujte veur ’t behald en de ontwikkeling van oos sjtreektaal. Det is van groot belang, want ’n taal blief neet vanzelf besjtaon. Es wäörd in ónbroek rake en kinnes van ’t dialect verlaore geit, verdwient sjtökske veur sjtökske ouch e deil van waat veer van vreuger höbbe mitgekrege.

Mit PlatSjriever wille veer dao op oos eige meneer aan mithelpe. Door ’t Remunjs gemekkeliker te make veur ederein dae ’t wil lere kinne en gebroeke, ’t sjrieve dervan gemekkeliker te make en miense te helpe mit meer bezej mit de taal óm te gaon.

Veer gluive det ’t behald van ’n taal neet allein geit óm ’t vasligke van waat der waar, maar veral óm miense aan te zitte de taal te gebroeke. Es veer mit ein kalle, in berichte, vertèlsels en alles waat veer ederen daag sjrieve.

Zo haje veer ’t Remunjs neet allein laevend, maar blief ’t ouch de taal die veer kinne, mit häör eige aard.